仲記得2年前 岩岩係學校畢業

當時既我跟本咩叫股票都唔知…

只係細細個果時有印象…劉青雲係大時代 對住部電視機 叫升!!! 升!!!! 升!!

咁就發左達

講番畢業後先…好好彩地我係灣仔搵到份工 人工尚算唔錯

其實份工同股票係完全沒有關係的

係做雲石的….

當時做野係要用電腦的 有個師兄成日係度睇股價

升一毫跌一仙絕對影響住佢既心情…

份工其實係成日要做跑腿既工作

好記每一日 如常去銀行入數

見到好多人對住部大利是機

好不熱鬧

咁樣更加引起我既興趣…

究竟股票市場有d咩既魔力令人著迷呢???

冇記錯既話當時係07年既7月 當時恆指因為傳聞港股直通車

牛氣沖天…恆指日日創新高…

仲差唔多去到32000點

果時候報紙日日大肆報導

就好似全世界都可以靠炒股票過活…

(其實今日諗返 果時跟本同賭場冇分別)

果時做左2個月野都儲到小小錢 加埋自己以前又有D積蓄

上網睇左d資料 就膽粗粗咁去左中銀開個股票戶口…

其實開戶口果時既印象都幾深刻…

可能當時既我既額頭寫左個勇字係度…

果位服務員姐姐細心同我解釋風險 係咁提醒我要小心

但係當時我呢位清兵邊度聽得入耳阿….

咁樣 就開始左我既仆街炒股不歸路

(待續…)